Wala akong pasok kahapon (Kalookan Day) kaya sinamantala namin ni Henry ang pagkakataon para lakarin ang 2 sa pinaka-importanteng docs bago kami makaalis – CFO sticker at DSWD Travel Permit for Minor. Dalawa lang yon at magkalapit pa ng opisina pero inabot kami ng maghapon.
First stop CFO. Dapat one hour before the seminar nandon ka na kasi limited seats lang. Dumating kami doon nang eksaktong 9am. Nandon na si Jes nang dumating kami (of course kasama si mommy). May mga P2NZ members na dumating later on pero di na sila nakahabol sa 10am seminar. Pinabalik sila ng 2pm.
Puno yung seminar room . Nasa 60 to 70 ang tao. 3 kami na going to NZ, 1 sa Japan, 1 sa Australia at isa Spain. The rest, mga papuntang US.
Pre-Departure Orientation Seminar or PDOS ang pangalan ng seminar. Pinag-uusapan dito ang mga travel regulations, settlement issues and rights/obligations ng isang migrante. I would like to point out some important things I’ve learned from the seminar.
- A migrant must inform the Philippine embassy in his host country about his arrival.
- Never bring pirate stuffs (i.e. CD, bags, shirts, learning materials, etc).
- Have you passport renewed if it’ll expire in less than 6 months from time of departure
- Lastly, if your passport is damaged (torn page, broken plastic laminate, food/beverage stain, etc.), have it replaced.
2:00pm na kami dumating sa DSWD sa Malate. Inabutan namin doon si Tinay kasama ang cute-na-cute kong inaanak na si Shasha. Papuntang US naman sila.
May customer no. na binibigay yung guard pagpasok sa gate. #126 and #127 ang inabot sa akin. Nag-usisa ako. Ngek, #62 pa lang ang pino-process. Ilang minuto pa, tinawag na si Tinay - #99. Ang siste pala doon, pwede kang magpalista tapos balik ka na lang. Kung wala ka nang tawagin ang number mo, malalaktawan ka pero pagdating mo, salang ka na agad. Dapat pala nagpalista na kami bago pumunta ng CFO.
1 day, 2 accomplishments. Next step, LTO.
No comments:
Post a Comment