PhP to US$ to NZ$

Next week na ang alis ni Henry kaya mega-prepare kami sa mga dadalhin nya. Isa sa pinaka-importanteng kailangan nyang dalhin ay ang kaperahan. Syempre, no-pansin sa NZ and ating pesos. Pwede ring magdala ng US$ doon pero sabi ng isang new migrant, mas maganda raw magpalit ng NZ$ dito sa Pinas. Di ko na to ni-research, I just took her word for it.

Hindi available ang pera ng mga kiwi sa ating mga suking palitan. I really don' know the reason behind this. Saan nga ba nakakapalit ng NZ$? 3 ang alam kong options - ANZ Bank, HSBC and 'black market'. Hindi ako nag-attemp na mag-resort sa black market pero may kilala ako na nakabili nito somewhere sa Ermita.

ANZ Bank (tel# 818-8117). Kung bibili ka ng NZ$, pwede mo itong kunin in cash or in bank draft. NZ$1000 ang max. na pwedeng bilhin kung cash ang gusto mo. Pag bank draft, walang ceiling pero may bayad na US$13. Ang selling rate nila ay Php31.75 or US$0.6166 (pwede PhP or US$ ang ibayad mo). Passport lang ang hihingiin nila para makapa-transact.

HSBC. Mas convenient sa akin ito kaya dito ako bumili. Actually, withdrawal yon kasi kailangan may acct ka sa kanila. Buti na lang at may Dollar Account doon ang nanay ko na pwedeng i-withdraw in any currency. Ang siste lang, you have to give them 3 days para maka-request sa Head Office nila. Ang US$617.11 ay katumbas ng NZ$1000 (or US$0.6177 per NZ$). Pwede ring bumili sa kanila ng bank draft sa halagang US$30.

Mas maganda ang rate ng ANZ Bank. Aside dito, pwedeng peso at US dollar ang ipambili.